ವಿಶ್ವ ಜಲ ದಿನವು ಮಾರ್ಚ್ 22 ರಂದು ನಡೆಯುವ ವಾರ್ಷಿಕ ವಿಶ್ವಸಂಸ್ಥೆಯ ಆಚರಣೆಯ ದಿನವಾಗಿದ್ದು, ಇದು ಸಿಹಿ ನೀರಿನ ಮಹತ್ವವನ್ನು ಎತ್ತಿ ತೋರಿಸುತ್ತದೆ. ಸಿಹಿನೀರಿನ ಸಂಪನ್ಮೂಲಗಳ ಸುಸ್ಥಿರ ನಿರ್ವಹಣೆಗಾಗಿ ಪ್ರತಿಪಾದಿಸಲು ಈ ದಿನವನ್ನು ಬಳಸಲಾಗುತ್ತದೆ. ಪ್ರತಿ ವರ್ಷದ ಧ್ಯೇಯವಾಕ್ಯಗಳು ಶುದ್ಧ ನೀರು, ಸ್ವಚ್ಛತೆ ಮತ್ತು ಆರೋಗ್ಯ ನೈರ್ಮಲ್ಯಕ್ಕೆ ( WASH ) ಸಂಬಂಧಿಸಿದ ವಿಷಯಗಳ ಮೇಲೆ ಕೇಂದ್ರೀಕರಿಸುತ್ತವೆ. ಇದು ಸುಸ್ಥಿರ ಅಭಿವೃದ್ಧಿ ಗುರಿ 6ಕ್ಕೆ ಅನುಗುಣವಾಗಿದೆ. ವಿಶ್ವಸಂಸ್ಥೆಯ ವಿಶ್ವ ಜಲ ಅಭಿವೃದ್ಧಿ ವರದಿ (WWDR) ಪ್ರತಿ ವರ್ಷ ವಿಶ್ವ ಜಲ ದಿನದಂದು ಬಿಡುಗಡೆಯಾಗುತ್ತದೆ.
ಯುಎನ್-ವಾಟರ್ ವಿಶ್ವ ಜಲ ದಿನದ ಸಂಚಾಲಕ ಆಗಿದ್ದು, ಆ ವರ್ಷದಲ್ಲಿ ಗಮನಿಸಬೇಕಾದ ವಿಷಯದ ಕುರಿತು ಆಸಕ್ತಿಯನ್ನು ಹಂಚಿಕೊಂಡು, ಯುಎನ್ ಸಂಸ್ಥೆಗಳೊಂದಿಗೆ ಸಮಾಲೋಚಿಸಿ, ಪ್ರತಿ ವರ್ಷದ ಥೀಮ್ ಅನ್ನು ಆಯ್ಕೆ ಮಾಡುತ್ತದೆ.[೧] 2021 ರ ಥೀಮ್ "ನೀರನ್ನು ಮೌಲ್ಯೀಕರಿಸುವುದು". ಇದರ ಸಾರ್ವಜನಿಕ ಅಭಿಯಾನವು "ನೀರಿನ ಬಗ್ಗೆ ನಿಮ್ಮ ಕಥೆಗಳು, ಆಲೋಚನೆಗಳು ಮತ್ತು ಭಾವನೆಗಳನ್ನು ನಮಗೆ ತಿಳಿಸಲು" ಸಾಮಾಜಿಕ ಮಾಧ್ಯಮದಲ್ಲಿ ಜಾಗತಿಕ ಮಾತುಕತೆಗಾಗಿ ಸೇರಲು ಜನರನ್ನು ಆಹ್ವಾನಿಸಿತು.
2020ರ ಥೀಮ್ "ನೀರು ಮತ್ತು ಹವಾಮಾನ ಬದಲಾವಣೆ" ಆಗಿತ್ತು. 2016 ರಿಂದ 2019ರಲ್ಲಿ "ನೀರು ಮತ್ತು ಉದ್ಯೋಗಗಳು", "ನೀರು ಏಕೆ ವ್ಯರ್ಥವಾಗುತ್ತದೆ?" "ನೀರಿಗಾಗಿ ಪ್ರಕೃತಿ", ಮತ್ತು "ಯಾರನ್ನೂ ಹಿಂದೆ ಬಿಡುವುದಿಲ್ಲ" ಎಂಬ ಧ್ಯೇಯವಾಕ್ಯಗಳು ಇದ್ದವು. ವಿಶ್ವ ಜಲ ದಿನವನ್ನು ಪ್ರಪಂಚದಾದ್ಯಂತ ವಿವಿಧ ಕಾರ್ಯಕ್ರಮಗಳೊಂದಿಗೆ ಆಚರಿಸಲಾಗುತ್ತದೆ. ಇವುಗಳು ನಾಟಕ, ಸಂಗೀತ ಅಥವಾ ಲಾಬಿಯಂತಹ ರೂಪಗಳಲ್ಲಿಯೂ ಇರಬಹುದು. ಈ ದಿನವು ನೀರಿನ ಯೋಜನೆಗಳಿಗೆ ಹಣವನ್ನು ಸಂಗ್ರಹಿಸುವ ಅಭಿಯಾನಗಳನ್ನೂ ಒಳಗೊಂಡಿರುತ್ತದೆ. ಮೊದಲ ವಿಶ್ವ ಜಲ ದಿನವನ್ನು ವಿಶ್ವಸಂಸ್ಥೆಯು 1993 ರಲ್ಲಿ ಗೊತ್ತುಪಡಿಸಿತು
